Samhliða vöktun vatnafugla hefur flugnagildrum verið komið fyrir við Sílalækjarvatn og Miklavatn í Aðaldal og Víkingavatn og Skjálftavatn í Kelduhverfi frá árinu 2006. Sumrin 2011 – 2017 var einnig gildra við Ástjörn. Auk þess hafa hornsíli verið veidd í Víkingavatni og sumarið 2011 bættust síðan við rannsóknir á smádýralífi í Víkingavatni og Miklavatni. Rannsóknum á vatnalífi er ætlað að styðja við rannsóknir á vatnafuglum.
