Nýr starfsmaður, Brynjólfur Brynjólfsson, hóf störf á Náttúrustofunni í byrjun apríl. Hann er með B.s. gráðu í tölulegri líffræði og leggur stund á meistaranám í náttúru- og umhverfisfræðum við Landbúnaðarháskóla Íslands. Brynjólfur hefur þurft að takast á við ólík verkefni á þessum fyrstu vikum í starfi og staðið sig með miklum ágætum. Helstu vekefnin hafa verið greiningar fiðrilda, uppsetning og eftirlit með vöktunarmyndavélum og fuglaathuganir vegna fyrirhugaðs vindorkuvers.
