Vöktun Lóna í Kelduhverfi

Frá árinu 2010 til og með 2020 sá Náttúrustofan um vöktun á Lónum í Kelduhverfi fyrir fiskeldisfyrirtækið Rifós ehf. sem rak þar matfiskeldi. Markmið vöktunarinnar var að fylgjast með mögulegum áhrifum fiskeldisins á Lónin. Á þessu tímabili sinnti Náttúrustofan vikulegum mælingum á blaðgrænu-a úr vatnssýnum úr Lónunum. 

Árið 2013 vann Náttúrustofan vöktunaráætlun fyrir Rifós. Vinna samkvæmt vöktunaráætluninni hófst sumarið 2013 með endurtekningu á viðamikilli rannsókn sem gerð var á botndýralífi Lónanna sumarið 1979. Tekin voru 102 botnsýni á 34 stöðvum víðs vegar um Lónin auk þess sem sýni til efnamælinga voru tekin. Vöktun á botndýralífi fer nú fram á þriggja ára fresti og eru tekin sýni á 10 stöðvum auk þess sem sýni til efnagreininga á botnseti eru tekin á þremur stöðvum. Skýrslur verkefnisins má sjá hér eftir árum.

Í lok árs 2020 urðu breytingar á starfsemi fiskeldisins við Lónin en þá var öllu matfiskeldi hætt í Lónunum. Fiskeldi Austfjarða keypti starfsemi Rifós ehf. og er nú eingöngu starfrækt seiðaeldi á landi við Lónin.

IMG_4181

Share on facebook
Share on twitter
Share on linkedin
WordPress Image Lightbox Plugin