NNA

Líf og fjör á 15 ára afmæli Þekkingarnets Þingeyinga og Náttúrustofu Norðausturlands

Föstudaginn 8. nóvember s.l. héldu Þekkingarnet Þingeyinga og Náttúrustofa Norðausturlands upp á 15 ára starfsafmæli stofnananna en árið 2004 hófu þær starfsemi undir einu þaki Þekkingarseturs á Húsavík. Frá 2004 hafa fleiri stofnanir bæst í hópinn en rannsóknasetur Háskóla Íslands á Húsavík og Heilbrigðiseftirlit Norðurlands eystra vinna einnig innan Þekkingarsetursins. Heilsársstarfsmenn eru nú um 15 talsins.

Fyrir hádegi komu nemendur 8-10 bekkjar Borgarhólsskóla og 3 bekkur Framhaldsskólans á Húsavík í heimsókn og fræddust um starfsemi og fjölbreytt verkefni stofnananna. Náttúrustofan kynnti meðal annars rannsóknir sínar á vatnalífi í Þingeyjarsýslum, rannsóknir á bjargfuglum, rannsóknir á vetrarstöðvum farfugla, rannsóknir á plasti í fýlum, fiðrildavöktun, gróðurvöktum á Þeistareykjum og kenndi nemendum að þekkja í sundur fullorðnar og ungar rjúpur með því að skoða vængi þeirra.

Að kynningum loknum var nemendum boðið upp á köku. Það var virkilega gaman að fá þessa áhugasömu nemendur í heimsókn.

Eftir hádegi var síðan opið hús á Þekkingarsetrinu þar sem almenningi gafst kostur á að fræðast um starfsemi Þekkingarsetursins, spjalla við starfsmenn og þiggja léttar veitingar. Á milli 50 og 60 gestir þáðu boðið.

Náttúrustofan þakkar öllum fyrir komuna og skemmtilegan dag.

Ingibjörg Benediktsdóttir tók meðfylgjandi myndir.

Nemendur skoða vatnalíf í víðsjá hjá Sesselju.

Nemendur skoða vatnalíf í víðsjá hjá Sesselju.

Yann útskýrði rannsóknir á varpárangri bjargfugla.

Yann útskýrði rannsóknir á varpárangri bjargfugla.

Aðalsteinn sagði frá fiðrildavöktun í Ási og kenndi nemendum að þekkja í sundur fullorðnar og ungar rjúpur með því að skoða vængi þeirra.

Aðalsteinn sagði frá fiðrildavöktun og kenndi nemendum að þekkja í sundur fullorðnar og ungar rjúpur með því að skoða vængi þeirra.

Nemendur fræddust um gróðurvöktun á Þeistareykjum hjá Stellu.

Nemendur fræddust um gróðurvöktun á Þeistareykjum hjá Stellu.

Þorkell Lindberg sýndi nemendum farleiðir og vetrarstöðvar nokkra íslenskra fuglategunda.

Þorkell Lindberg sýndi nemendum farleiðir og vetrarstöðvar nokkra íslenskra fuglategunda.

Gestir gæða sér á köku.

Gestir gæða sér á köku.

 

 

 

 

 

 

Comments are closed.