NNA

Fiðrildin flögra um Ásbyrgi og fylla Jökulsárgljúfur

Eins og áður hefur komið fram þá er Náttúrustofan með tvær fiðrildagildrur á starfssvæði sínu. Önnur þeirra er staðsett við Ás í Kelduhverfi, skammt austan Ásbyrgis.

Föstudagskvöldið 6. ágúst s.l. stóð Vatnajökulsþjóðgarður fyrir fræðslukvöldi um fiðrildi í Ásbyrgi þar sem Aðalsteinn Örn Snæþórsson líffræðingur og kennari hélt fræðsluerindi um fiðrildi í Gljúfrastofu og fór að því loknu með þátttakendur í gönguferð að Ási þar sem fiðrildagildran var tæmd með aðstoð ungra gesta. Rúmlega 30 gestir á öllum aldri mættu á fræðslukvöldið. Veður var hið ákjósanlegasta, fiðrildi sveimuðu allt í kring og höfðu gestir gaman af.

Aðalsteinn kenndi gestum að þekkja helstu einkenni vefara, feta og ygla, bæði á lirfu- og fiðrildastigi ásamt því að fræða gesti um tengsl fiðrilda við aðrar lífverur svæðisins. Í lok gönguferðar var brugðið á leik með yngstu þátttakendunum sem voru sérstaklega áhugasamir um allt það sem að fiðrildunum sneri.

Meðfylgjandi eru myndir frá þessu skemmtilega kvöldi.

fidrildakvold

Gestir safnast saman við tjaldsvæðið í Ásbyrgi

fidrildakvold1

Helstu einkennum fiðrilda lýst

fidrildakvold2

Einkennin skoðuð nánar

fidrildakvold3

Vefarar vefja birkiblöðum utan um sig og skógurinn fær brúnleitt yfirbragð

fidrildakvold4jpg

Fiðrildagildran við Ás

fidrildakvold5

Ungur þátttakandi opnar gildruna

fidrildakvold6

Og aðrir aðstoða við að tæma fiðrildin úr gildrunni

fidrildakvold7

Fiðrildaveiði vikunnar komin í örugga höfn

fidrildakvold8

Yngstu þátttakendurnir bregða sér í gervi margfættaðrar fiðrildalirfu

Comments are closed.